သူ့ ခရီး

 ဖြေးညင်ညင်
ဝေးလွင်ပြင် ပင်လယ်တွင်းဆီမှ
ဆန်ဆင်းလို့ သူအလာ ရေခင်းငယ်သာ။

ကမ်းကွေ့မှာ ချာ
လုံးရှာကြ ဒိုက်မှော်ထွေး။

ကမ်းအပြေ
လှိုင်းကြင်ဆွေ
ကြက်ငယ်ဖေးတော့
ဗေဒါမေ တက်ရေဖွေးနဲ့
ဆန်ရတယ်လေး။

လတာခင် ငြိုငြင်ငြင်းလို့
ဆင်းပြန်ရ ဒီတက်ရေ
ချောင်းရိုးမှ မြစ်ခြေl
စုန်လေတဲ့ စုန်လေ
ကျွမ်းထိုးတဲ့ ငါးပျံဆွေ
ကမူခြေသောင်နဖူး မြူးလို့သာနေ။

လှိုင်းလေကစေ
ကမ်းရိုးမှာလေ ခွေမနေအား။

ဒီကျရေ ယဉ်ရထားနဲ့
ဗေဒါမေ စုန်ရေကြားမှာ
စံရပြန်သား။

ချစ်လွမ်းဝေ(ရွှေမျှောင်)
၂၉-၆-၂၀၁၃(နံနက်=၈း၄၅)

မြစ်တစ်စင်းနဲ့ ငြင်းခုန်ခြင်း

လေမသင့်ပါဘူး ဆိုနေမှ

လှိုင်းက ထန်ချင်နေတုန်း။

နေ့စဉ်သုံးစကားလုံးတွေလို

တတွတ်တွတ်ရွတ်ဆိုခွင့်မှ မရှိပဲ။

မိုးလေဝသလေဗျ

မိုး ရွာချင် ရွာမယ်

နေ သာချင် သာမယ်ပေါ့။

သေချာတာကတော့

ဒီနေ့ …

မုန်တိုင်းထန်ချေမရှိဘူး။

လှိုင်းကြက်ကိုပဲ

အသာလွတ်လွတ် ထွေးထားစမ်းပါ

သင် ဘယ်ဘယ်လောက်ခတ်ထန်ကြောင်း
ပြသရုံအတွက်
ဒေါသတွေ ချောင်းချောင်းထပြနေဖို့ လိုလို့လား။

ချစ်လွမ်းဝေ(ရွှေမျှောင်)

©အလွမ်းရင့်ရောင် ညနေ

ပျားရည်ရောင်ကော်ဇောခင်းထားတဲ့
ညနေက
"သတိရခြင်း"တရားစီရင်ခန်းနဲ့
တခမ်းတနား တောက်ပနေခဲ့။

ထိုင်နေကျလ္ဘက်ရည်ဆိုင်လေးရဲ့
မျက်နှာစာရှေ့ တူးရှုး
တစ်ပွင်ခြင်းခူးနေမိတဲ့ မြင်ကွင်းတွေမှာ

လျှောက်နေကျလမ်းဟောင်းလေးရဲ့
ကြေးညိုရောင်နှုတ်ခမ်းသားထက်က
လေးတွဲ့တွဲ့ ခြေလှမ်းတွေမှာ

ကြားနေကျသီးချင်းဟောင်းလေးရဲ့
ဆွေးသဲ့သဲ့ မိုးဖွဲ့ရပိ(repat)ပိုဒ်တွေမှာ
ခေါင်းမဖော်နိုင်စွာ နစ်မြုပ်။

တွန်းထုပ်မရတဲ့အလွမ်းတွေတနင့်တပိုးနဲ့
အစိုးမရသော ပေစ္စက္ခမိုးလို
တမ်းတစိတ်က ရင်၌အနှံ့။

ခြေဆန့်လက်ဆန့်လူးလွင့်ခွင်းလေးတောင်
နှလုံးသားမှာ မဲ့လုလုအခြေနေနဲ့
ဟောဒီ ညနေတွေထဲ
ရင်မခိုင်လို့ ပြိုလဲရင်လည်း(လဲ)
ကြေ ကွဲ ရုံ ပဲ ရှိပေါ့ မိငယ်။

ချစ်လွမ်းဝေ(ရွှေမျှောင်)
၁-၇-၂၀၁၃(ညနေ=၅း၃၁)
"မြ" ကဖေး /သာကေတ။

ဆည်းဆာတမ်းချင်း

တစ်နေ့တာကုန်ဆုံးခြင်းထဲ
ရစ်ဝဲပျံသန်းရင်း
ကန့်လန့်ဖြတ်ကြီးဆင်းလာတဲ့
တမ်းတစိတ်က
ညောင်ညိုရိပ်မှာ ခိုလို့...!

ဆည်းဆာလှဖို့
နေကညိုရဦးမယ်လား !

တိမ်တွေအရောင်ဖျော့သွားတာ ထိုင်ကြည့်ဖို့
အလင်းကအမှောင်သို့ တိုးဝင်နေခဲ့
အမှတ်တရတော့ရှိရဲ့ မိငယ်။

တစ်ခါက နေဝင်ရီချုပ်စ
ရေဆိပ်က ဆံထောက်ကွေးကွး
စံပယ်တင်မှဲ့လေးနဲ့ နင့်အလှ
မမြင်ရကြာတော့ ပြောပါတယ်။

ချစ်လွမ်းဝေ(ရွှေမျှောင်)
၂-၆-၂၀၁၃ (ညနေ=၆း၀၀)

အုံ့ပုန်း မိုး

ဘယ်သူမှမသိပါဘူး

တိတ်တိတ်လေး စွေနေခဲ့တာ

ဟောဒီ ကောင်းကငိ အနှံ့။

ပြန့်ကျဲ ကျဲပြန့်နေတဲ့
အလွမ်းစတွေ
ဝေဒနာက ခြွေလို့လား-?

သိမ်းဆည်းထားမိသမျှ အမှတ်တရတွေ
နှလုံးသားမြေဗဟိုပြုလို့
ရွာရန်ရွာနှုန်း အားအင်အပြည့်
သဲသဲလှုပ်ရွာနေခဲ့။

ဘယ်သူမှ မသိခဲ့ပါဘူး
ရာသီစာတနင့်တပိုးနဲ့
အလွမ်းခိုးတဲ့ညတိုင်း
"ဒီမိုးတွေ
ရင် ထဲ မှာ ရွာ နေ မယ်"ဆိုတာပေါ့။

ချစ်လွမ်းဝေ(ရွှေမျှောင်)

မြစ်တစ်စင်း မြင်ကွင်းစုံရာ ဝေဒနာနာမ်စား မနောဝိညာဏ်အပိုင်းအစများ

ကျေးလတ်နှင့်မြို့ ပြ ဆန်ဆန်
သူ့ရဲ့ နံရံနှစ်ဖက်ကို ငေးမောရင်း
မြစ်မင်းက
သင်္ဟာတထွန်းရင်၏ ခေတ်ဟောင်းဧချင်းတစ်ပုဒ်ကို
ပီပီပြင်ပြင် ညည်း ဆို တေး ဖွဲ့ လို့...။
တံတားအိုတစ်စင်း၏ နေဝင်ညချမ်းထဲ
မိုးလေကင်းစ နဂိုရည်အသွေးနဲ့
ကောင်းကင်က
ပြာလွင်လွင်လေး လှနေခဲ့။
ငေးမောမိတဲ့မြင်ကွင်းတွေမှာ
မြစ်တစ်စင်းရယ်,ကမ်းပါးအိုတစ်ခုရယ်
လမုတောရယ်,ခရာဆူးအုပ်လေးတစ်စုရယ်
မြို့ ဟောင်းတစ်ခုရယ်,လွမ်းစေတီ တစ်ဆူရယ်
ကျိုးတိုးကျဲတဲ အသွားအလာနည်းတဲ့
ရေလပ်ကြားစောင့် ဆိုင်းဘုတ်အောက်က
အမြောက်တကားကား သင်္ဘောအချို့ ရယ်
ဘဝကို ဘယ်နံရံမှာ ကပ် ဘယ်သောင်စပ်မှာ နား
ဘယ့်နှယ် ခရီးသွားရမယ်မသိတဲ့
ရေနည်းငါးအချို့ ၏ တစ်ဝမ်းတစ်ခါးပုံရိပ်
အကုသိုလ်တံဆိပ်ခပ်နှိပ်ထားသော
အစုန် အဆန် သင်္ဘော သဗ္မာန် တစ်ချို့ ရယ်
စသည် .. စသည် .. စသည်ဖြင့်
ဟိုဟို .. ဒီဒီ .. လွင့်မျော .. ပြေးလွှာ
နှလုံးသားကို
ခပ်ပါးပါးလေးရိုက်ခက်နေတဲ့ အတွေးအမျှင်တွေမှာ
ညီမျှခြင်းက
ငြိုငြိုင်ြင်ငြင်လေးအဖြစ်နဲ့တောင်
ရက်ရက်ရောရော မရှိခဲ့ဘူး။
လွင်လွင်လူးလူး ဖူးပွင့်ရှိသည့် ပန်းတွေပဲလေ
အဆင်းရှိသလောက် လန်း
ရနံ့ရှိသလောက် မွှေး
ကိုယ့်အသွေးကို ကိုယ်တည်ဆောက်ချင်ရှာမပေါ့
ခုတော့.....
"မြွေပူရာ ကင်းဆင့်မှုတွေ"တဖားဖားနဲ့
ဟောဒီ လောကကိုက
မာယာတွေ တယ်များလွန်းတယ် အမေ။

ချစ်လွမ်းဝေ(ရွှေမျှောင်)
၃-၇-၂၀၁၃(ညနေ=၆း၂၅)

အလွမ်းတစ္ဆေ

ညတွေက

တိတ်ဆိတ်နေလိုက်တာ

အပ်ကျသံမျှ မကြား။

အရိပ် လိုလို
အရောင် လိုလို
ဂယောင်ခြောက်ချား ဆေးသားများ
အမှောင်နံရံမှာ
လိုင်နာဆွဲ , ကန့်လန့်ပြေး , လှုပ်ရှား။

ဗူးလေးရာ
ဖရုံဆင့် သောကတစ်ပိုင်းနဲ့
ရင်ထဲမှာတော့ ဝုန်းဒိုင်းကြဲ
စိတ်က
စိတ်ကိုတန်ပြန်လွှမ်းမိုးခြင်း အသိုက်ထဲ
တိုးလိုးတန်းလန်းဝေဒနာတွေ
သက်ငင် ပြေးလွှားစေခဲ့။

စိတ်နဲ့မကပ်တဲ့ ကိုယ်
ကိုယ်နဲ့မကပ်တဲ့ စိတ်
ပစ္စုပ္ပန် အတိတ်
နှစ်ဖက်နင်းလှေနံပုံရိပ်များ
ညကိုငုံရင်း ဝါး မျို
ရွတ်ကျတိုင်းရှင်မည့် ပင်ပျိုအလွမ်းများ
တစ္ဆေတစ်ကောင်အလားပေါ့
ငါ့ညတွေကို ယိမ်းနွဲ့ခြောက်ချားစေခဲ့။

သတိနဲ့မကပ်တဲ့
အသိတရားလေးတစ်ပိုင်းတစ်စနဲ့
"ပဗ္ဗာဇနီယ"ညှပ်မရတဲ့ ဒီတစ္ဆေ
ညတိုင်း
ခြောက်နေတော့မှာလား မိငယ်။

ချစ်လွမ်းဝေ(ရွှေမျှောင်)
၂၄-၆-၂၀၁၃(ည=၁၁း၁၁)

တောင်စဉ်ရေမရ

ကိုယ့်ကိုယ်ကို ဟန်လှပြီအထင်နဲ့

ကန်ကန်ချနေမိတဲ့ အတွေးတွေ

ဆက်ဆက်ယို ဖိတ်စင်နေသမျှ

ငါ့အိပ်မက်ဆိုးနဲ့ ငါ

မကြာမကြာ ရန်ဖြစ်နေရဦးမည် ထင်...!

 

မလာချင်ပါဘူး .. မလာချင်ခဲ့ဘူးလေ

ခက်နေတာက လွတ်လပ်နေတဲ့အတွေး

အငြိမ်မနေဘူး

ရှောက်ရှောက်ပြေးတယ်။

 

ခက်တယ်

ထိလွယ်ရှလွယ်သောကက

မြင်မြင်ရာမှန်သမျှလှမ်းဆွဲလို့

ဒီလိုနဲ့ပဲ

(...ကျွန်တော်...)

ရှုပ်ရှုပ်ထွေးထွေး အိပ်မက်တွေနဲ့

လုံးချေရှုပ်ထွေးနေမိတယ် အမေ။

 

ချစ်လွမ်းဝေ(ရွှေမျှောင်)

မိတ္တူ

ကောက်ကြောင်းလေးတစ်ခုပါပဲ
ရင်ထဲမှာမြဲနေတဲ့ ပုံရိပ်
ငါ့အလွမ်းကို ဖိတ်စင်စေခဲ့သူ။

ကြည်ဖြူမလား,မကြည်ဖြူမလား
လုံးလုံးလျားလျားမသိခင်လေး
အဆွေးက
ရင်ထဲကို ဆေး ချယ် လို့
”လွမ်းစေတော့ရယ်”
ရည်ရွယ်ရင်းလား။

နှလုံးသားကမသိလိုက်မသိဘာသာ
နေတက်ခဲ့ရင် ကောင်းမယ်။

ခုတော့ ...
ခံစားလွယ်တက်သူ မဟုတ်ပေမယ့်
ဒီ ခံစားချက်ကိုတော့
မချေဖျက်နိုင်ခဲ့ဘူးလေ။

ခပ်ရေးရေးပါ
ဒါပေမယ့် .. အဲဒီပုံရိပ်
လွမ်းတိုင်း
နှလုံးသာမှ ဖိတ် စင် လွင့် ကျလို့
ငါ့ကို
ဝေဒနာတွေထဲ ဆွဲဆွဲချသွားတယ်။

ချစ်လွမ်းဝေ(ရွှေမျှောင်)
၎-၆-၂၀၁၃ (ည=၉း၅၁)

ဝဲကုတ်ရင်း မြို့ပြသီချင်းဆိုနေတဲ့ မြို့တော်

တရိပ်ရိပ်တက်နေတဲ့
ကာလပေါ်မိုးရေစက်တို့ကြားမှာ
သူက မရှု့သာမကယ်သာ နစ်မြုပ်။

လှိုင်းလုံးတို့တအိအိပြိုနေတဲ့ ပင်လယ်တစ်စင်းလိုလို
မြူဆိုင်းနေတဲ့ကောင်းကင်တလင်းလိုလို
သူ့မှာ အသက်ရှူဖို့အချိန်က မရသလောက်။

ထိုးဖောက်လာလိုက်သည့်ခြစားအခင်းအကျင်း
သူ့ကို နင်းနင်းထားလို့များလား
သူ့မှာ ကာကွယ်မှုထက်
ခုခံခြင်းသာမကြာမကြာ ပြုလုပ်နေရ၊

ဒီလှိုင်းတွေကလည်း တရိပ်ရိပ်
မြူခိုးတွေကလည်း အလိပ်လိပ်
အထိတ်ထိတ်အပျာပျာနဲ့ ပျာယာခတ်နေရ၊

ခေတ်ကာလသားသမီးတွေကို
တစ်မီးနစ်တစ်ယောက်မွေးပေးနေရလို့
သူ့မှာ ဘိုးမွေဘွားမွေတောင် ပျောက်လုမတက်
ရှေ့ဆက်ဖို့ အားကိုမနည်းမွေးနေရတယ်။

တိုးတက်နေတဲ့ခေတ်များ
ကြည့်စမ်းပါဦး
မီးခိုးလုံးတွေ အလိပ်လိပ်
မီနီစကပ်တွေ ကြပ်ကြပ်သိပ်
ကိုယ့်လမ်းကိုတောင် တထိတ်ထိတ်လျှောက်နေရ၊

ကိုယ်ဝတ်မလုံမလဲနဲ့ ခေတ်မှာ
သူ့ခမျာ စာရိတ္တကိုလုံအောင်ဖုံးနေရတာနဲ့တင်
ကျောမလုံရင်မလုံ ဖြစ်ခဲ့ရ၊

အသက်ရှူသံပြင်းလာသည်နှင့်အမျှ
သူ့ ညတွေက ယိမ်းထိုးကလို့
တိုး တိုး သွားလိုက်ကြတာ
နီယွန်ပြာပြာနဲ့လမ်းမတွေသာ
တဖြည်းဖြည်း များများလာတယ်
သူ့မှာ ...
ခုထိ ကူကယ်ရာကမတွေ့သေးဘူး။

ရေဆေးငါးနှယ်လှနေတာလေး တစ်ခုက
မြစ်ညာကသူ့ပုံရိပ် တစ်ချို့
လေညှင်းတို့ကို သယ်ယူဆောင်ကျဉ်းပေးနေတာပေါ့။

ဆည်းဆာနှစ်ခုရဲ့ ရောင်ခြည်က
သူ့ပုခုံးမှာ မေးတင်တိုင်း လှလို့
ရွှေအိုရောင်မြစ်မင်းနို့တို့ကိုငေးမောဆဲ၊

ဒဂုံက ရန်ကုန်တဖြစ်လဲ
သူ့မှာ ဘဝင်မြင့်ဝဲမပေါက်ဘူး
သူ့လမ်းသူ သူဖြောင့်ဖြောင့်လျှောက်နိုင်ခဲ့တယ်။

ဒါပေမယ့်.....
ခေတ်ကာလဝဲအစွဲမှာ
ဒဂုံတဖြစ်လဲ ရန်ကုန်က
ကုတ်လေယားလေနဲ့ကုတ်နေဆဲပါလေ
အတောမသက်နိုင်သေးတဲ့ ဝဲအစိုတွေများစွာနှင့်...။ 

    ချစ်လွမ်းဝေ(ရွှေမျှောင်)

ဝါးစည်းလေးတွေ မပြေစေချင်

နေက
နေ့ကိုစားတဲ့ကိန်းတွေထဲ
ညက လကိုထမ်းရင်း လမ်းသလား၊

လက
ညကိုစားတဲ့ကိန်းတွေထဲ
နေ့က
နေကိုထမ်းရင်း လမ်းသလား၊

အချင်းမများကြပါနဲ့
လောကကိုက
လမ်းသရဲဆန်ဆန်ကကွက်နဲ့
ဆိုင်းမဆင့် ဗုံမဆင့်
အရေးအခင်းတွေ
ထထဖြစ်နေတဲ့ လောက
သောကတွေများတိုင်း
စိတ်တိုလက်ရ ဖြစ်နေရင်
ကျုပ်တို့တွေ
ဘယ် ...
စည်းလုံးခြင်းလွင်ပြင်ဆီ ရောက်မလဲ။
ချစ်လွမ်းဝေ(ရွှေမျှောင်)
၂၆-၅-၂၀၁၃ (ညနေ=၅း၄၅)

အထီးကျန်မိုး ( ၂ )

မကျစေချင်ပါဘူး

မျက်ဝန်းကိုစွတ်စိုပြီးမှ

အထင်ကရဖြစ်မည့် မိုး

ဘယ်တိမ်ဆိုးကြောင့်မှ မရွာစေချင်ဘူး။

ဖြစ်နိုင်ရင်ပေါ့

သောကကို ဒေါသတကြီးဖြစ်စေပြီးမှ

ညှိုးခွင့်ရမည့် တိမ်

ဟော့ဒီ မျက်ဝန်းအိမ်မှာ

ဘယ်ကံကြမ္မာကြောင့်မှ

အုံ့စိုင်းတာ မခံချင်ဘူး။

ဒါပေမယ့် ...

ရင်ကိုရစ်သိုင်းလာတဲ့ အလွမ်း

တစ်ဖတ်သက်ဆန် ကျွမ်းမြေ့စေသမျှ

(... ငါလေ ...)

တစ်ခဏတော့ ငိုပါရစေ မိငယ်။

ချစ်လွမ်းဝေ(ရွှေမျှောင်)

ဝေးကွာခြင်းဝေဒနာ ( ၃ )

လသာစဉ်ခိုက်
လနောက်လိုက်၍
ညဉ့်၌ မျှော်မိလေသည် ခင်။

နေသာစဉ်ခိုက်
နေနောက်လိုက်၍
နေ့၌ မျှော်မိလေသည် ခင်။

နေ့စဉ်ညတိုင်း
ရင်ရိပ်မှိုင်းညို့
အလွမ်းတို့ ပြည့်
လွမ်းလို့ မေ့မူး
လွမ်းဖို့ လူဖြစ်ဦးမည် ခင်။

ချစ်လွမ်းဝေ(ရွှေမျှောင်)
၂၆-၅-၂၀၁၃ (နံနက်=၁၀း၀၀)

နွေနှောင်းဒဏ်ရာ

ရုတ်တရက် ဘာပြောရမယ် မသိ
ရေးဆွဲထားကြည့်သမျှ
အနာဂါတ်ပုံဆောင်ခဲများ တစ်စစီ တစ်ပိုင်းစီ
အစီအရီ ပြိုကျ ပျက်စီး
ပြီတီတီနဲ့ ပြီးရောတဲ့လား - ? ။

"ဆက်ရန်မရှိတော့လို့ပါ" တဲ့
ဒီစကားနဲ့
ဝေဒနာများစွာ
အခန်းဆက်ခြေရာထွင် ချန်ရစ်ခဲ့ ... ၊

မဖြစ် ဖြစ်သလို နားလည်ပေးဖို့
အားအင်တို့ နှလုံးသားထံပို့ကြည့်တယ်
ဒါပေမယ့် .....
ငြင်းဆန်နေတဲ့မသိတရား အကြည့်မှာ
အကြိမ်ကြိမ်အခါခါ ခေါင်းငုတ်လို့
ဝေဒနာက
ကျူငုတ်ပမာအညွန့်တလူလူတက်ဆဲ ... ၊

ကံနည်းရာကြမ္မာငင်ခြင်းလား
မျှော်လင့်ချက်နဲ့လွဲရတဲ့ အထဲ
မော်ကြည့်မိတဲ့ ကောင်းကင်က
ညိုမဲအုံ့ဆိုင်းလို့
ဝမ်းပန်တနဲ သဲသဲလှုပ်ငိုနေခဲ့ ... ၊

ဥသြလည်း မရှိတော့ပြီ
ပုရစ်တို့လည်း ရိုးတံရင့်လို့
ရွတ်စိမ်းအဖြစ် ပြောင်းလဲခဲ့ကြ
ပိတောက်တစ်ချို့ကတော့ ပွင့်ဆဲ
ခပ်လှမ်းလှမ်းက လမ်းမထဲ
ဝေ့၀ဲလှမ်းအကြည့်
မညီတဲ့သီးကင်းပွင့်ချပ်တို့နဲ့
တမာတစ်ချို့ ဝေလို့ ... ကြွေလို့
နွေကိုစွန့်ဖို့ စိုင်းပြင်လျှက် ... ၊

ရင်အထက်
ပင့်သက်တစ်ခု လှိုက်တက်လာတယ်
ဆွဲဆန့်ထားချင်တဲ့ ဆန္ဒတို့က
မြေသင်းနံ့ခြေဖုဝါးမှာ ကပ်ပါးခိုလို့ ... ၊

နွေနှင့်အတူ
သူ ...
ငါ့ကို ချန် သွား ပြီ ... ။

ချစ်လွမ်းဝေ(ရွှေမျှောင်)
၉-၅-၂၀၁၃ (နံနက်=၉း၂၀

 

ဖျက်ပိုး

အဖေ မြန်မာ
အမေ မြန်မာ
နင် မြန်မာ

ရင်ဗလာ ကျောကွက်
အရှက်ပျက် မြင်ကွင်း
 

အဲဒါ ...
မြန်မာ့ရှုခင်း မဟုတ်ဘူး ။

ချစ်လွမ်းဝေ(ရွှေမျှောင်)
၂၃-၅-၂၀၁၃ (ည=၇း၄၅)
မြောက်ဥက္ကလာ မီးပွိုင့် 

 

သမင်လည်ပြန် တမ်းချင်း

ဘာမှတော့ မဆိုင်ဘူး

အမှတ်တမဲ့ကြည့်မိတဲ့လည်ပြန်မှာ

ဒီအကြည့်က

ခွါမရတော့ , ကွာမကျတော့ ။

'သတိတရ'ဆိုရလောက်အောင်
အမှတ်သညာက
တေ့တေ့ဆိုင်ဆိုင် မှတ်မှတ်သားသား
မှတ်ထားတာ မရှိခဲ့ ။

ဒါပေမယ့် .....
ကြည့်လိုက်မိတဲ့ ဒီနေရာ
ခနော်နီခနော်နဲ့
ယိုင်တဲတဲခုံတန်းလျား တစ်လုံး
ကပိုကရို မှုန်သိုသိုမျက်ဝန်း တစ်စုံ
ရင်အစုံကိုယက်ယှက်
လက်ယက်ခေါ်ငင်ခြင်း ခံခဲ့ရ ။

တမ်းတလို့တော့မဟုတ်ဘူး မိညို
ဒါပေမယ့် .....
ဒီလမ်းကိုကြုံတိုင်း
ဒီခုံနဲ့မျက်လုံးဝိုင်းလေးကို
(... ငါလေ ...)
လည်ပြန်ကသိုဏ်းလေး ရှု့နေမိတယ် ...။

ချစ်လွမ်းဝေ(ရွှေမျှောင်)
၁၀-၅-၂၀၁၃(ည=၁၀း၀၉)

လမိုက်ဘ၀

ညက ညကိုဝါးမျိုဖို့ အားထုပ်နေချိန်

ဘဝရဲ့ ထားသလိုမဖြစ်တဲ့အကြာင်း

တွေးနေမိ

ရေရေရာရာမသိမှုများ

ရေရာခြင်းမရှိသေးသည့်

ဘဝ၏ခါးမှာ

ခါးတင်ခွအထိုင်ခိုင်းထားရင်း

ပြည့်စုံခြင်းဆီ ပျံသန်းဖို့

ငှက်တို့ရဲ့ အားအင်မျိုး

မွေးဖွားဆဲပါ

'တွေ့မလား' စိတ်ကူးက

နေ့,ညတွေကြားမှာ လူးလွင့်လို့

ရှေ့ ဖြစ်တို့အကြောင်း ငေးမော

မတည်မြဲခြင်း သဘောကို

သဘောတကျမရှိသလိုမျိုး

မျက်မုန်းကျိုးကျိုးနဲ့

မျက်ထောင့်နီမျက်စောင်းချည်း

ထိုးထိုးကြည့်မိ

မသိမှုတိုင်းသာ'အဝိဇ္ဇာ'ဆိုရင်

အဲဒါ ... သေချာပါတယ်

ဘဝက

ညလိုအမဲရောင်မှာပျော်မွေ့ဆဲ ဆိုတာ

ကလင်(န်)ဒါကြည့်စရာမလိုဘူး ။

 

ချစ်လွမ်းဝေ(ရွှေမျှောင်)

၁၃-၅-၂၀၁၃ (ည=၁၀း၄၉)

ခွင့်

အနှိုးခက်တဲ့ မနက်ကို

မိုးတစ်စက်က မျက်နှာသစ်

မလုပ်မဖြစ် မဖြစ်မနေထဲက

'ဝမ်းရေး'ကိုလက်ဆေးခူးစားဖို့

ကျွန်တော်

နံနက်ခင်းထမင်းဝိုင်းနား

အခန့်သင့်ထိုင်မိလျှက်သား ဖြစ်ခဲ့၊

ပြေးပြေးလွှားလွှားသိုင်းဖက်လာတဲ့

မိုးသက်လေပြေပြေပြစ်ပြစ်မှာ

သစ်တန်းတို့ခမျာ ဦးနှိပ်

သက်ငြိမ်ဆိတ် ခက်မဖြာနေလိုက်ပုံများ

လမ်းတို့တောင်လွမ်းပျော်ဖွယ်ကြီး အတိ၊

တဖျောက်ဖျောက်

စည်းတော် စည်းလိုက်သံနဲ့

အိမ်မိုးက သွပ်တို့အထံမှာ

နားဝင်ပီယံက

သာသလိုလို မသာသလိုလို

ရွှဲရွှဲစိုသစ်အိုပင်တို့ကို ငေးလို့၊

ရေဖွေးဖွေးနဲ့

ကွင်းလမ်းမကို ကြည့်ရင်း

သက်ပြင်းတစ်ချက်

ခပ်တိုးတိုး ခိုးလျှက် ချနေမိ၊

ဒီနေ့

ပျက်ကွက်စာရင်းနဲ့

ခွင့် တစ်မနက်တင်ဦးမည်....။

ချစ်လွမ်းဝေ(ရွှေမျှောင်)

၁၅-၅-၂၀၁၃ (နံနက်=၉း၂၅)

ဆင်ခြေဖုံး

ရယ်သံများ မောသံများ

အော်သံများ ဟစ်သံများ

ဆဲသံများ ဆိုသံများ

နေစား,လေစား ဘဝများ

ရေခြား,မြေခြား အနာဂါတ်များ

ထိုးထိုးထောင်ထောင် လမ်းမများ

ကျီးတိကြောင်တောင် မျှော်လင့်ချက်များ

မညီမညာ ပုံရိပ်များ

မပီတပီ ရောင်စုံများ

လိမ်း ကျံ ချယ် သ

နင်ပဲငဆ အုပ်မိုး ပြိုကျ

(... သူ့ ခမျာ ...)

မဝတဝ အသက်ကို

ခပ်မျှင်မျှင်လေး ရူနေရတယ်...။

ချစ်လွမ်းဝေ(ရွှေမျှောင်)

၁၅-၅-၂၀၁၄ (ည=၉း၁၇)

ခရီးသွား စိတ်ကူး

လရေးကွေးကွေးနဲ့ ညက

ငါသွားရာနောက်

တကောက်ကောက် လိုက်လို့

အ်ိပ်ငိုက်မဖြစ်တဲ့ ခုံကျဉ်းထဲ

တအိအိတငြိမ့်ငြိမ့်ခုတ်မောင်းဆဲကားပေါ်

အတွေးတို့ခေါ်ရာ မျောပါမျှော်ရင်း

လိုက်ခဲ့ ။

တစ်ချက်တစ်ချက်

ရှိုက်တက်လာတဲ့ လေပြေ

တစ်ခါတစ်ခါ

ကွေ့ဝှိုက်သွားတဲ့ ဟိုင်းဝေး

စိတ်ထဲမှာရှုပ်ထွေးနေတဲ့ အတွေးရပ်ဝန်း

စိမ်းစိုညှို့မိုင်းသော ဝဲယာ

မသာတသာ လရေး

မျက်လုံးမှေးလိုက်လာသည့် ခရီးသည်တစ်ချို့

မြင်ကွင်းတို့

ဟိုဟိုဒီဒီလွင့်မျောရင်း

အမြန်ယဉ်ရင်တွင်းခွေလျှက်

မွေရပ်သို့အပြန်ခရီးကိုနှင်

မနက်ဖြန်နေမမြင်ခင်ပေါ့

ကျွန်တော်

အမေ့ရင်ကို ပြေးဝင်ပွေ့၍ဖက်ဦးမည်။

ချစ်လိမ်းဝေ(ရွှေမျှောင်)

 

လွမ်း

မကျေမလည်ဖြစ်တိုင်း

ညွှတ်ကိုင်းကျ စူ

နှုတ်ခမ်းထူထူလေးရဲ့

အနားကို ကိုက်

ဂျီတိုက်တက်တဲ့ မင်းအကျင့်

တွေးမိတိုင်း

နင့်နေအောင် လွမ်းတယ်။

 

ပျော်ရွှင်ဖွယ် ရယ်မောတိုင်း

နုပါးပြင် နူးညံ့ညံ့

ချိုက်ခွက်နုသွေး

သွားတက်လေးနဲ့ မင်းဟန်

ရယ်မောသံ ကြားတိုင်း

(...ရင်က...)

ရုန်းမရအောင် ဝုန်းဒိုင်းဆန်

မလှန်နိုင်ပဲ လွမ်းတယ်။

 

ချစ်လွမ်းဝေ(ရွှမျှောင်)

မျောလွင့်ခြင်း

စိတ်တစ်ခုကိုအလွတ်ကျက်ဖို့
စိတ်တူကိုယ်တူစားကျက်ထဲ
စိတ်တွေကို လွှတ်ကျောင်းနေမိတယ်
စိတ်ကူးနဲ့ဘဝတော့
တစ်ထပ်တည်းမကျသေးဘူး အမေ။

ကိုယ့်အသိုက်ထဲ
ကိုယ်လိုသလိုရေးးဆွဲထားသည့်
ဥပဒေသတွေနဲ့
ဘာသာကောက်ချက်ချရင်း
မျှော်လင့်ခြင်းဆိုတာကို
လိပ်စာတပ်ကြည့်တယ်
မကျွမ်းကျင်တဲ့သံယံဇာတကို
သွင်းကုန်ထုပ်သလိုပါပဲ အမေ
ကျွန်တော့်မှာ
ဆုံးရှုံးမှု ဒဏ်ရာအနာအဖေးတွေနဲ့။

အိပ်မက်နဲ့
လိုက်တမ်းသက်သက်ဆော့နေရသလိုမျိုး
ပြေးဖို့အရှိန်ကမရသလောက်
သူ့နောက်ကိုချည်း လိုက်နေရ
အလိုပြည့်မှုနည်းနည်းအတွက်
အက်ကွဲကျေမွခဲ့ရတဲ့ အချိန်တွေ
နောင်တမှန်ထဲ ပုံနေမှ
သတိရလိုက်မိတယ် အမေ
တစ်ချိန်တုန်းကအချိန်တွေ
နှမျောဖို့
တကယ်ကောင်းတဲ့အကြောင်း။

ဒီလိုနဲ့
စိတ်ပြေလက်ပျောက်ခေါင်းစဉ်အောက်မှာ
စိတ်ကူးတဲ့ရာနောက်လိုက်ရင်း
ပေစ္စက္ခအခင်းအကျင်းထဲ
ကျွန်တော်နဲ့စိတ်တူကိုယ်တူတွေကိုပဲ
ရိတ်သိမ်းဖို့
(... ကျွန်တော် ...)
အားထုပ်နေမိတယ် အမေ...။

ချစ်လွမ်းဝေ(ရွှေမျှောင်)

၁၇-၅-၂၀၁၃ (နံနက်=၉း၃၀)

အရည်မရ အဖတ်မရ

ညနေခင်းက
ပုဇွန်ဆီရောင်လည်ဆွဲနဲ့
ခပ်ရဲရဲ လှလို့ ... ၊

ကမ်းပါးစ အစွန်းမှာထိုင်းရင်း
စိတ်လွတ်လက်လွတ်
စိတ်ကို လွှတ်ချလိုက်တယ်။

လွင်နေတဲ့ တိမ်တွေ
အငြိမ်မနေတဲ့ စိတ်ကူး
တောင်လေကလည်း ဖြူးဖြူးတိုက်လို့
မောဟိုက်ဖို့ သတိမရမိဘူး။

အစုန်,အဆန်
သင်္ဘော,သမ္ဗာန် အချို့
ဇင်ယော်တို့ အဝဲအပျံနဲ့
မြစ်မင်းက
သူ့ရုပ်,သူ့ဟန် ပီသဖို့
စက်ရုပ်ဆန်ဆန် ရုန်းကန်လျှက်၊

ဝန်းကျင်ကိုတောင် ငဲ့မကြည့်မိဘူး
ကမ်းနဖူးအတိုင်း လိုက်ခဲ့မိ
အမည်မသိအရာတွေက
"ဝေဒနာ"ဆိုပြီး
ရင်ထဲကို လာလာခွေသွားတယ်။

စိတ်စေရာလျှောက်ရင်းနဲ့
ဖိနင်းခဲ့တဲ့ ခြေရာတစ်ချို့ကလည်း
နှလုံးသားကို ခပ်ဆက်ဆက်လေး
ခြေဆောင့်ဖနောင့်လေး
ပေးသွားရဲ့၊

ခေါင်းငုတ်လိုက်ခေါင်းထောင်လိုက်နဲ့
လတာပြင်ကို ဦးခိုက်ရင်း
ငိုက်ငိုက် ဆင်းသွားလိုက်တာ
ခွပ်လက်စမ်းနေတဲ့ ကြက်တစ်ကောင်နှယ်
လှိုင်းတို့က
ခုန်စွ ခုန်စွနဲ့ရယ်လေ...။

ချစ်လွမ်းဝေ(ရွှေမျှောင်)

လောကထဲမှာ

အပယိကတွေကြားထဲမှာ
ဘဝ အသိတွေမမှားဖို့
ခဏခဏရှုနေမိတာက
အသက်ရူသံ မှန်၏ မမှန်၏ ။

လှန်ကြည့်လိုက် လှောကြည့်လိုက်နဲ့
မောဟ စည်းဝါးတိုက်ရင်း
လောကဓံဇာတ်လိုက်က
ကျောမှာ ရင်မှာ
သူ့ ခြေရာချည်း
ဆေးရင်း ကျောရင်း
ဆေးကျောလို့မနိုင်တဲ့ စိတ်က
နောက် တစ်ခါ ကြည် တစ်လှည့်
ညီ တစ်လှည့် ကောက် တစ်ခါနဲ့
ပေပေတေတေ ငတေဇာတ်ခင်း
ပျက်ရင်း ပြင်ရင်းနဲ့
ကျွန်တော်
ရှေ့ဆက်ခြင်းအမှုကို ပြုနေပါကြောင်း ... ။

ချစ်လွမ်းဝေ(ရွှေမျှောင်) 

ယုန်ထင် ကြောင်ထင်နဲ့ ခြုံကိုမြင်တိုင်း ခုတ်ထွင်ရှင်းလင်းနေမိတယ်

ဒီနေရာ
ရေခံမြေခံတော့
သိပ်မကောင်းခဲ့ဘူး အမေ။

ဖြတ်သွားဖြတ်လာ
အရောင်တွေမှာ
အာရုံက
ယုန်လိုလို ကြောင်လိုလို
ထင်မိမှား။

သိမှုနဲ့မသိမှုကြားက
"စည်းကမ်းတကျ" ဆိုတာကို
စနစ်တကျဖြစ်ဖို့
အားထုပ်ကြိုးစားနေရတာနဲ့
မသိလိုက်ဘာသာတွေလဲ
အတော်များခဲ့ပေါ့ အမေ။

ခြုံနဲ့ယုန်ပဋိပက္ခမှာ
ဘယ်သူ ကတရားခံ
ဘယ်သူက တရားလို
ခြုံကို အပြစ်ဆိုရမလား
ယုန်ကို အပြစ်ဖိုရမလား
ဝင်သူနဲ့ခုတ်ထွင်ရှင်းသူကြား
ဗျာများနေတဲ့ စိတ်တို့နဲ့
သားလေ
ဒီခြုံတွေကိုပဲ
သဲသဲမဲမဲခုတ်နေမိတယ် အမေ။
ချစ်လွမ်းဝေ(ရွှေမျှောင်)
၂၁-၅-၂၀၁၃ (နေ့ခင်း=၂း၄၅)
မြ ကဖေး (သာကေတ)

မီးပွိုင့်

စိမ်းလိုက် နီလိုက်
အဝါ တစ်ဖြိုက်နဲ့
ကတိုက်ကရိုက် လင်း/မှိန်
အာလုံး .. ကိုယ်ရှိန်သတ်
လမ်းကို
သတိနဲ့ဖြတ်စေသူ ။

ချစ်လွမ်းဝေ(ရွှေမျှောင်)
၂၃-၅-၂၀၁၃ (ညနေ=၄း၅၃)

မျှော်လင့်ချက်

ညှိုးသွားတဲ့ နေကို
ပြန်လွမ်းပေမယ့်
ထွက်လာမည့် နေကြောင့်
ကျွန်တော်
မငိုတော့ဘူး အမေ...။
ချစ်လွမ်းဝေ(ရွှေမျှောင်)

လူငယ်

အတ္တတွေ တစ်ထမ်းတပိုးနဲ့
လွတ်လပ်ခွင့်ရှိသလောက်
ပျံတက်ခဲ့ကြ
မြွေလို ပါးပြင်းတပြပြနဲ့ပေါ့

ဘဝအတိုအပျကတွေနဲ့
မောဟကို ခုခံကာကွယ်ကြ
စာရိတ္တတွေ လောင်မြိုက်ကြရင်း
လမ်းတွေသာ တဖြေးဖြေး
ရွရွ ကျွတ်ဆက်လာ

ရမ္မတ်ကို အသက်လိုကိုးကွယ်
ဒါကို "ချစ်တက်ခြင်း" လို့
ဆိုပြန်တယ်။

အိမ်ပြန်လမ်းကိုမသိတဲ့ ညများ
ပိုးမွှားအန္တရာယ်နဲ့
အရွယ်ငယ်ငယ်
အတွေးအခေါ် နုနု
စံပြုစရာ ရှားပါးတဲ့ခေတ်ထဲ
ကမ်းကုန်အောင်မိုက်ခဲ့ကြ
အမိ,အဖတို့ရဲ့စကားမှာ
လူ့အခွင့်အရေးကိုပြ
တလွဲ အသုံးချခဲ့ကြတယ် ။

ချစ်လွမ်းဝေ(ရွှေမျှောင်)

ငှက်ဖျား

ဒီလမ်းမတွေအပေါ်
ဒီလိုနဲ့
ခြေက ချော်ချော်ကျ
ဂီတအကြောင်းဆို
ဝလုံးတောင်
ကောင်းကောင်းမရေးတက်တဲ့
ကျွန်တော်
အစေးအညှော် မတည့် တတည့်
ရစ်သံတွေနဲ့
ဒီဂီတကို ခုံမင်
ဟောသည်လို .. ဟောသည်လို
"ကဗျာ .. ကဗျာ" လို့
မကြာမကြာ အော်ရင်း ညှိ
ခုထိတော့ ဒီကီးက
စည်းမမိသေးဘူး အမေ ။
ချစ်လွမ်းဝေ(ရွှေမျှောင်)

ကမ်းလွန်စိတ်ကူးများ

မြစ်ပြင်က

လှိုင်းကို ခပ်ကျော့ကျော့လေး မေးတင်လို့

တေးယဉ်ယဉ်တစ်ပုဒ်ကို သီဆိုရင်း

ဖြေးဖြေးခြင်းစီးဆင်း...၊

အိပ်မက်တမ်းချင်းထဲက နတ်သမီး

လွမ်းချင်းထဲက မျက်ရည်

စီးဆင်းနေတဲ့ မြစ်

တူးရူးကို ရွတ်လွှင့်နေသော ငါ

မညီမညာနဲ့ ဟောဒီကဗျာမှာ

ဝေဒနာက အက်ဆေးဖွဲ့ဖို့

ပြောလောက်အောင်မကောင်းခဲ့ဘူး။

ဦးခေါင်းကိုတွင်တွင်ခါရင်း ငြင်းကြည့်တယ်

တွန်းတိုက်နေတဲ့ လှိုင်းတွေလိုလည်း

ငါက မလှုပ်ခတ်ခဲ့၊

အိပ်မက်နဲ့တစ်သားတည်း မဖြစ်ခဲ့တာကလွဲရင်

ရှေ့ဆက်ဖို့အင်အားများစွာက

တေ့တေ့ဆိုင်ဆိုင်ကြီး မလွဲခဲ့သေးပါဘူး။

မမြဲတဲ့ ကင်းကြွေးကင်းစားခြင်းတွေထဲ

နင်းပြားတွေလည်း ရဲရင့်လာပါပြီ

ငါက ငါ့ကိုယ် ငါ

ဂရုစိုက်မှု နည်းနေသေးတာတစ်ခုပေါ့၊

ရူးမိုက်စွာခုန်ချလာခဲ့မိတဲ့

ဟောဒီ ဘ၀

ဘာမှမရချင်နေပါစေ

ကဗျာရေ ... မင်းရှိရင်

ငါ့အတွက် အရာရာပြည့်စုံပြီ......။

 

ချစ်လွမ်းဝေ(ရွှေမျှောင်)