ညနေခင်းက
ပုဇွန်ဆီရောင်လည်ဆွဲနဲ့
ခပ်ရဲရဲ လှလို့ ... ၊
ကမ်းပါးစ အစွန်းမှာထိုင်းရင်း
စိတ်လွတ်လက်လွတ်
စိတ်ကို လွှတ်ချလိုက်တယ်။
လွင်နေတဲ့ တိမ်တွေ
အငြိမ်မနေတဲ့ စိတ်ကူး
တောင်လေကလည်း ဖြူးဖြူးတိုက်လို့
မောဟိုက်ဖို့ သတိမရမိဘူး။
အစုန်,အဆန်
သင်္ဘော,သမ္ဗာန် အချို့
ဇင်ယော်တို့ အဝဲအပျံနဲ့
မြစ်မင်းက
သူ့ရုပ်,သူ့ဟန် ပီသဖို့
စက်ရုပ်ဆန်ဆန် ရုန်းကန်လျှက်၊
ဝန်းကျင်ကိုတောင် ငဲ့မကြည့်မိဘူး
ကမ်းနဖူးအတိုင်း လိုက်ခဲ့မိ
အမည်မသိအရာတွေက
"ဝေဒနာ"ဆိုပြီး
ရင်ထဲကို လာလာခွေသွားတယ်။
စိတ်စေရာလျှောက်ရင်းနဲ့
ဖိနင်းခဲ့တဲ့ ခြေရာတစ်ချို့ကလည်း
နှလုံးသားကို ခပ်ဆက်ဆက်လေး
ခြေဆောင့်ဖနောင့်လေး
ပေးသွားရဲ့၊
ခေါင်းငုတ်လိုက်ခေါင်းထောင်လိုက်နဲ့
လတာပြင်ကို ဦးခိုက်ရင်း
ငိုက်ငိုက် ဆင်းသွားလိုက်တာ
ခွပ်လက်စမ်းနေတဲ့ ကြက်တစ်ကောင်နှယ်
လှိုင်းတို့က
ခုန်စွ ခုန်စွနဲ့ရယ်လေ...။
ချစ်လွမ်းဝေ(ရွှေမျှောင်)
No comments:
Post a Comment