ရုတ်တရက် ဘာပြောရမယ် မသိ
ရေးဆွဲထားကြည့်သမျှ
အနာဂါတ်ပုံဆောင်ခဲများ တစ်စစီ တစ်ပိုင်းစီ
အစီအရီ ပြိုကျ ပျက်စီး
ပြီတီတီနဲ့ ပြီးရောတဲ့လား - ? ။
"ဆက်ရန်မရှိတော့လို့ပါ" တဲ့
ဒီစကားနဲ့
ဝေဒနာများစွာ
အခန်းဆက်ခြေရာထွင် ချန်ရစ်ခဲ့ ... ၊
မဖြစ် ဖြစ်သလို နားလည်ပေးဖို့
အားအင်တို့ နှလုံးသားထံပို့ကြည့်တယ်
ဒါပေမယ့် .....
ငြင်းဆန်နေတဲ့မသိတရား အကြည့်မှာ
အကြိမ်ကြိမ်အခါခါ ခေါင်းငုတ်လို့
ဝေဒနာက
ကျူငုတ်ပမာအညွန့်တလူလူတက်ဆဲ
ကံနည်းရာကြမ္မာငင်ခြင်းလား
မျှော်လင့်ချက်နဲ့လွဲရတဲ့ အထဲ
မော်ကြည့်မိတဲ့ ကောင်းကင်က
ညိုမဲအုံ့ဆိုင်းလို့
ဝမ်းပန်တနဲ သဲသဲလှုပ်ငိုနေခဲ့ ... ၊
ဥသြလည်း မရှိတော့ပြီ
ပုရစ်တို့လည်း ရိုးတံရင့်လို့
ရွတ်စိမ်းအဖြစ် ပြောင်းလဲခဲ့ကြ
ပိတောက်တစ်ချို့ကတော့ ပွင့်ဆဲ
ခပ်လှမ်းလှမ်းက လမ်းမထဲ
ဝေ့၀ဲလှမ်းအကြည့်
မညီတဲ့သီးကင်းပွင့်ချပ်တို့
တမာတစ်ချို့ ဝေလို့ ... ကြွေလို့
နွေကိုစွန့်ဖို့ စိုင်းပြင်လျှက် ... ၊
ရင်အထက်
ပင့်သက်တစ်ခု လှိုက်တက်လာတယ်
ဆွဲဆန့်ထားချင်တဲ့ ဆန္ဒတို့က
မြေသင်းနံ့ခြေဖုဝါးမှာ ကပ်ပါးခိုလို့ ... ၊
နွေနှင့်အတူ
သူ ...
ငါ့ကို ချန် သွား ပြီ ... ။
ချစ်လွမ်းဝေ(ရွှေမျှောင်)
၉-၅-၂၀၁၃ (နံနက်=၉း၂၀
No comments:
Post a Comment