ခွင့်
အနှိုးခက်တဲ့ မနက်ကို
မိုးတစ်စက်က မျက်နှာသစ်
မလုပ်မဖြစ် မဖြစ်မနေထဲက
'ဝမ်းရေး'ကိုလက်ဆေးခူးစားဖို့
ကျွန်တော်
နံနက်ခင်းထမင်းဝိုင်းနား
အခန့်သင့်ထိုင်မိလျှက်သား ဖြစ်ခဲ့၊
ပြေးပြေးလွှားလွှားသိုင်းဖက်လာတဲ့
မိုးသက်လေပြေပြေပြစ်ပြစ်မှာ
သစ်တန်းတို့ခမျာ ဦးနှိပ်
သက်ငြိမ်ဆိတ် ခက်မဖြာနေလိုက်ပုံများ
လမ်းတို့တောင်လွမ်းပျော်ဖွယ်ကြီး အတိ၊
တဖျောက်ဖျောက်
စည်းတော် စည်းလိုက်သံနဲ့
အိမ်မိုးက သွပ်တို့အထံမှာ
နားဝင်ပီယံက
သာသလိုလို မသာသလိုလို
ရွှဲရွှဲစိုသစ်အိုပင်တို့ကို ငေးလို့၊
ရေဖွေးဖွေးနဲ့
ကွင်းလမ်းမကို ကြည့်ရင်း
သက်ပြင်းတစ်ချက်
ခပ်တိုးတိုး ခိုးလျှက် ချနေမိ၊
ဒီနေ့
ပျက်ကွက်စာရင်းနဲ့
ခွင့် တစ်မနက်တင်ဦးမည်....။
ချစ်လွမ်းဝေ(ရွှေမျှောင်)
၁၅-၅-၂၀၁၃ (နံနက်=၉း၂၅)
No comments:
Post a Comment