ဆိတ်ဆိတ်နေခြင်းဖြင့်
က္ကူဒြေ္နရင့်နေတဲ့ ညမှာ
စိတ်၏ဦးတည်ရာတို့ အလျိုလျို
ဟို ဟို ဒီ ဒီ လွင့် ပါး လို့....။
ပြုလုပ်ခဲ့မိတဲ့ အမှားတွေ
မပြုလုပ်လိုက်မိတဲ့ အမှန်တရားတွေက
ဓားသွားထက်ထက်နှယ် ရင်ကိုလာခြွေ၊
အတွေးရပ်ဝန်းတွေကလည်း
တစ်နေရာတည်းမှာ တည်မနေခဲ့ဘူး...။
တစ်ခါတစ်ခါ
အတိတ်က မြင်ကွင်းတွေထဲရောက်လိုက်
တစ်ခါတစ်ခါ
ပစ္စက္ခ မြင်ကွင်းတွေထဲရောက်လိုက်နဲ
့
ပွင့်လင်းမြင်သာမှုတို့ အားနည်းနေခဲ့...။
ဒီလိုနဲ့.....
အနာဂါတ်ကို ဆွဲဆန့်ကြည့်လိုက်တဲ့အခါ
မှုန်ဝါးဝါးလမ်းမတွေနဲ့
လိပ်စာပျောက်နေတဲ့ ငါ့အိမ်ယာကို
ငါ ... မြင်တွေ့လိုက်ရတယ်......။
-----------------------------------
ချစ်လွမ်းဝေ(ရွှေမျှောင်)
No comments:
Post a Comment