အလွမ်းသင့် သူ
ခဏခဏ တက်နင်းဖန်များတော့
ဒီရင်ငြမ်းက မခိုင်ချင်တော့ဘူး။
အကြိမ်ကြိမ်လွတ်ကျသွားတဲ့ မျှော်လင့်ချက်တွေ
ပြန်ပြန်ကောက်နေရတာနဲ့တွင်
နှလုံးသားလည်း မောပန်းနွမ်းနယ်လှပေါ့...။
ပြောမပြပါနဲ့
"ဘယ်နေ့ပြန်လာမယ်"ဆိုတဲ့ အကြောင်း
အဲဒီခေါင်းစဉ်အောက်မှာပဲ
အခါခါလဲကျခဲ့ဘူးလို့
မကြာမကြာ ၀င်ခဲ့ဘူးတယ်လေ
စာသူငယ်လို အမှတ်အတေးမျိုး...။
အဖြစ်ကိုဆိုးပါတယ်
ဝေခွင့်ရသမျှ "ဝေလိုက်ရတယ်ဆို"ရုံလေး
ခဏတာရနံ့ပေးပြီး
လေမှာပဲ ပျယ်လွင့်ပျောက်ကွယ်ခဲ့ရ
ပြုံးနေခွင့်တို့
သက်တမ်းမရင့်လှတဲ့ ပန်းလို
ခဏခဏကြွေနေရတယ်...။
ကြာတော့......
ကံကြမ္မာကိုစိတ်နာလာတယ်
ဘ၀ကိုလည်း မကျေနပ်ချင်ဘူး
ဒီ အလွမ်းနွံအတွင်းချည်း
တွန်းတွန်းချနေလို့.....။
--------------------------
-------
ချစ်လွမ်းဝေ(ရွှေမျှောင်)
No comments:
Post a Comment