ရောင်နီသည် အရှေ့လောကဓာတ်စီမှ ပြူတင်းဖွင့် လင်းလတ်၍ စက်ဝန်းသဏ္ဍာန်ဟန်ဖွဲ့လျှက် နှင်းနံရံကိုတိုးထွက်နေချေပြီ။
အရှေ့တောစပ်စီမှ အိပ်တန်းထ ငှက်တသိုက်တို့ကလည်း ၀မ်းစာရှာခရီးနှင်ဖို့ အသင့်။ စီစီညံ လင်းကြက်တို့၏ တွန်သံတို့က ကျေးလက်၏
နံနက်ခင်းကို ကြိုဆိုလို့...။ ရွာဦးမှ ကြေးစည်သံသဲ့သဲ့ကိုလည်း ကြားနေရသည်။ ထိုကြေးစည်သံ၏ နောက်တွင် ငြိမ်သက်သော စက္ခုနြေ္ဒကို
ကိုယ်စီချ၍ ရွာအတွင်းသို့ အရုဏ်ဆွမ်းအလို့ငှာ လှည့်လည်လာသော ဦးပဉ္ဇင်း ကိုရင်များကို တွေရပေလိမ့်မည်။
ဤသည်ပင် ညောင်ပင်လှ ရွာလေး၏ ဆေးသားပီ နံနက်ခင်း ပန်းချီကားလေး တစ်ချပ်ပင်ဖြစ်သည်။
-----------------------------------------------------------------------------------------
ပေါက်စသည် ထန်းခေါက် ပလိုင်းကိုလွယ်၍ အိမ်အတွင်းမှထွက်လာ၏။ သူ၏ခါးတွင် လက်သုံးတော် ဓားမတိုက ကန့်လန့်ဖြတ်ထိုးလျှက်။
နှီးဦးထုပ်ကို ခပ်ငိုက်ငိုက် သူဆောင်းထားသည်။ သူ၏အဖွား ဖွာလေးမြ ယက်ကန်းစင်ကျ ဖျင်းကြမ်းပုဆိုး အစိမ်းကွက်တစ်ထည်က သူ၏ ခါးတွင်
အခန့်သား နေရာယူထားသည်။ တုတ်ခိုင်သန်မာပြီး ကြေးနီရောင်သန်းနေသော သူ၏ ခန္ဓာကိုယ် အပေါ်ပိုင်း၌ ဖျင်ကြမ်းတီရှပ် အစင်းကြားခပ်ထူထူ
တစ်ထည်ကို ၀တ်ဆင်ထားလေသည်။ သေချာပါပြီ ပေါက်စ တောသို့ဝင်တော့မည်။ ဤသည်ပင် သူ၏ နေ့စဉ် နိစ္စဓူဝ ကျင့်ဝတ်တစ်ခုပင်။
---------------------------------------------------------------------------------------
ပေါက်စသည် ဤညောင်ပင်လှရွာ ဇာတိချက်မြုတ်ဖြစ်လေသည်။ သို့သော်
သူ့တွင် ခင်မင်တွယ်တာရာဟူ၍ ဤညောင်ပင်လှ၌ သိပ်များများစားစား မရှိ။
သူ၏ အဖွား ဖွားလေးမြနှင့်ရွာတောင်ဝိုင်းက သူကြီးသမီး မြလေးငုံ တို့သည်သာ သူ၏သံယောဇဉ်ကမ္ဘာလေးများအဖြစ် ဤရွာ၌ရှိကြ၏။
ပေါက်စ၏ အဖေ ဦးညိုမောင်သည် ဤညောင်ပင်လှ ဇာတိမဟုတ်ချေ။ သူ၏အမေ ဒေါ်အေးမေ တွင်လည်း မွေးချင်းပေါက်ဖော်မရှိသလို သူသည်လည်း
တစ်ကောင်ကြွက်ပင်ဖြစ်၏။ပေါက်စ၏မိဘများသည် ပေါက်စငယ်ငယ်ကတည်းကဆုံးပါးသွားခဲ့ကြလေသည်။
သူအမေ ဒေါ်အေးမေ၏ မိခင် ဖွားလေးမြ ကပင် ပေါက်စကို လူလားမြောက်အောင် ပြုစုစောင်ရှောက် မွေးမြူပေးခဲ့ရ၏။
ခုတော့ ပေါကသည်ပင် အသက် တစ်ဆယ့်တင်းတင်းသို့ချဉ်းနှင်းဝင်ရောက်ခဲ့လေပြီ။
----------------------------------------------------------------------------------------
ဖွားလေးမြသည် မုဆိုးမ အမယ်အိုတစ်ဦးဖြစ်သည်။ မဖြစ်စလောက် ယက်ကန်းရုံလေးနဲ့ ပေါက်စကို လူလားမြောက်အောင်
ပြုစုစောင့်လျှောက်မွေးမြူထားခဲ့ရသည်။ ထို့ကြောင့် ပညာအမွေဟူ၍ ပေါက်စကို လုံလုံလောက်လောက် ပြည့်ပြည့်စုံစုံ မပေးနိုင်ခဲ့ပေ။
ရွာဦးကျောင်း ဆရာတော် အထံ၌သာ သင်ပုန်းကြီး သုံးခေါက်ပေါက်မျှ ပေါက်စ ပညာသင်ခဲ့ဘူးလေသည်။ ဒီတော့ ပေါက်စ သေစာရှင်စာ
ဖတ်တက်ရုံမှတပါး အခြားမယ်မယ်ရရ စာမဖတ်တက်ပေ။ ရွားဦးကျောင်း ဆရာတော်ကတော့ ပေါက်စကို ဆက်လျှက်ပညာသင်စေရန်တိုက်တွန်းသေး၏။
သို့သော် ဖွားလေးမြလို ကိုယ်ခွဲမရှိ
စီးပွားရေးတောင့်တောင့်ခိုင်ခိုင်မရှိသူအဖို့ ပေါက်စကို
ကျောင်းဆက်ထားဖို့ဆိုသည်မှာအိပ်မက်ဖြင့်သာ ပြီးဆုံးခဲ့ရလေသည်။
ဖွားလေးမြစိတ်ထဲတွင်တော့ သောကကြီးစွားဖြစ်ခဲ့ရလေ၏။
-------------------------------------------------------------------------------------------
လွန်ခဲ့သောသုံးနှစ်လောက်ကတည်းက ဖွားလေးမြ
ကျန်းမာရေးချူချာလာသည်။ ဇရာ တရားနှင့်စိန်ခေါ်တိုက်ခိုက်မှုမှာ ဖွားလေးမြ
ကျရှုံးခဲ့ရလေ၏။
ယက်ကန်းစင်၌ အထိုင်အနေများခဲ့သည်တို့ကလည်း ဖွားလေးမြ၏ ဗျာဓိတရားကို ဖိ၍နှိပ်စက်လေပြန်သည့်အခါ ဖွားလေးမြ မဟန်နိုင်တော့ပါ။
ဒီတော့ အိမ်၏ စားဝတ်နေရးနှင့်မိမိတို့မြေးအဖွား အသက်ရှင်နေထိုင်နိုင်ရေးတို့သည် ပေါက်စ ခေါင်းပေါ်သို့ ကျရောက်လာခဲ့လေတော့၏။
ပေါက်စ ထိုင်နေ၍မဖြစ်တော့။ ပြေးကြည့်မှ ဒီမြေးအဖွားနှစ်ယာက်သာ
ရှိသည့်မိသားစု၌ ဖွားလေးမြအတွက် ဆေးဝါးစရိတ်နှင့်မိမိတို့မြေးအဖွား
ဝမ်းတစ်ထွာမီးငြိမ်းစေဖို့အရေး
ပေါက်စ အလုပ်လုပ်မှ ဖြစ်တော့မည်။ ပေါက်စ ဘာအလုပ်ကိုလုပ်မည်နည်း။
သူတွေးသည်။ "ငါ ဘာအလုပ် လုပ်သင့်သလဲ၊ဘယ်အလုပ်ကိုလုပ်ရင် အစဉ်ပြေမလဲ'"ဟူ၍
ဖြစ်သည်။
-------------------------------------------------------------------------------
လယ်ယာကိုင်းကျွန် ဟူ၍ လက်ညှိုးညွှန်ပြစရာ ဆီးရွက်လောက်မျှ
မြေပထဗျာမရှိသောပေါက်စအဖို့ အခြားသူများနည်းတူ မိရိုးဖလာ
တောင်သူလုပ်ခွင့်မရ။
လုပ်စရာလည်းသူ့မှာ မရှိ။ တစ်ခါ သူတစ်ပါး ယာသူရင်းငှား
လုပ်မည်ဆိုတော့လည်း ပေါက်စအဖို့မဖြစ်နိုင်။ သူ့မှာ ဖွားလေးမြကို
စောင့်ရှောက်ရန် တာဝန်ကရှိသေးသည်။
ပြိးတော့ ဤအရပ် ဤဒေသ၌ သူရင်းငှားလုပ်ရသည်ကလည်း ထင်သလောက်မလွယ်ကူလှပေ။အချိန်ပြည့်ယာတော၌သာအနေများ၏။
ပေါက်စလိုကိုယ်ခွဲမရှိသောသူတစ်ယောက်အဖို့ ပိုလို့ပင် မဖြစ်နိုင်ချေ။ သူ
သူရင်းငှားလုပ်လျှင် ဖွားလေးမြကို မည်သူစောင့်ရှောက်မည်နည်း။ ဒါကို ပေါက်စ
တွေးသည်။
အခြားအခြားသော တောက်တိုမရအလုပ်ကို လုပ်မည်ဆိုကလည်း ပညာမတက်သော ပေါက်စ မတွက် အခက်ပွေခဲ့ရပြန်သည်။
ထိုအလုပ်တွေကလည်း "သူတို့ မြေးအဖွားအတွက် ဆေးဖိုးဝါးခနှင့်ဝမ်းစာကို
မျှအောင်း ချိန်ခွင်လျှာ ထိန်းပေးနိုင်မည် မဟုတ်"ပေါက်စ မြင်သည်လေ။
ထိုသို့ တွေမြင်ခြင်းနှင့်အတူ လက်ရှိသူလုပ်ကိုင်နေသော အလုပ်သို့ ပေါက်စကို တွန်းပို့လိုက်သလိုဖြစ်ချေတော့၏။
ပေါက်စသည် တောလည်၍ ဟင်းသီးဟင်းရွက်ခူးခြင်း မျစ်ချိုးခြင်း
ပျားအုံများကိုလှည့်လည်ရှာဖွေ၍ ပျားဖွတ်ပျားရည်ထုပ်ရောင်းခြင်း
အလုပ်တို့ကို လုပ်ကိုင်ခဲ့လေ၏။
မဆိုးပါ ထိုအလုပ်သည် ပေါက်စ မျှော်မှန်းသော အိမ်စရိက်ကို
ကောင်းစွားဖားထေးနိုင်ခဲ့ပါသည်။ သို့သော် ပေါက်စသည် ဟင်းသီဟင်ရွက်ခူးခြင်း
မျစ်ချိုးခြင်း
အလုပ်တို့ကို အပရိကလောက်သာလိုပ်၍ များသောအားဖြင့် ပျားဖွတ်ခြင်းကိုသာ
အင်စိုက်အားစိုက် လုပ်ကိုင်လေ၏။ ထိုအလုပ်သည် ပေါက်စ အတွက်
ဝင်ငွေမျိုးမျိုးမြတ်မြတ်ရစေ၏။
စင်စစ်ပေါက်စသည် ပျားမုဆိုးတစ်ဦး ဟူ၍ ဆိုရပေမည်။
-----------------------------------------------------------------------------------
သဘာဝပျားရည်သည် ရှားပါးပြီဒဆေးဘတ်ဝင်
ပစ္စည်းတစ်မျိုးဖြစ်လေသည်။ ထို့ကြောင့် သဘာဝပျားရည်ကို
လူတို့မက်မက်စက်စက်ရှိကြသည်။
တန်ဖိုးလည်းထားကြ၏။ ဈေးကြီးလည်း ပေးပြီးဝယ်ယူလေ့ရှိကြသည်။ ယနေ့ ဒီဘတ်ခေတ်၌ ပျားရည်စစ်စစ် ရရန်မှာ အင်မတန်ပင်ခက်ခဲ၍ လာချေသည်။
ပျားရည်စစ်စစ် ရဖို့ရန်လည်း မလွယ်ကူလှပေ။ တစ်လီတာမျှ
ပုလင်းသေးသေးတစ်လုံး ပြည့်ဖို့ပင် အတော်စုယူရလေ၏။ ဤအရပ် ဤဒသတွင်လည်း
ပျားရည်စစ်စစ်သည်
ရွှေဈေးကဲ့သို့ ဈေးကောင်းလှပေသည်။ ဒါကို ပါက်စ သဘောပေါက်သည်။
ထို့ကြောင့် သူ့အတွက် ပိုမိုတွက်ချေကိုက်သော ပျားမုဆိုး အလုပ်ကို သဲသဲမဲမဲ
သူလုပ်ကိုင်နေခြင်း
ဖြစ်လေသည်။
ဒီနေ့မနက်လည်း တောင်ခင်တန်းသို့ ပျားရှာတက်ရန် သူထွက်လာခဲ့ခြင်းဖြစ်ပေသည်။
-----------------------------------------------------------------------------------
ထန်းခေါက်ပလိုင်း၊ဓားမတို၊နှီးဦးထုပ်၊ဖျင်ကြမ်းထည်တိုနှင့် ပေါက်စ၏ ဟန်သည်
တကယ့် ပျားမုဆိုး အကြီးစားနှင့်ပင် တူလှပါသည်။
သူ၏ပလိုင်းထဲတွင် မီးခြစ်၊ရေဗူး၊ထမင်းထုပ်နှင့်နှမ်းရိုးဆုပ်
အနည်းငယ်တို့ကို ထည့်ထားသည်။ ပုခုံပေါ်၌ လိုအပ်က အသုံးပြုရန်
ဖျင်ကြမ်းပုဆိုး အဟောင်းတစ်ထည်လည်း
ပါသေးသည်။ ဤပစ္စည်းတို့သည် ပျားမုဆိုး တစ်ဦးအတွက် မပါမပြီး မရှိမဖြစ်
အခြံအရံ ကိုယ်ပွားများပင်ဖြစ်သည်။ ပျားအုံတွေ့ရှိက နှမ်းရိုးဆုပ်
အနည်းငယ်ကို မီးရှို့မှိုင်းတိုက်၍
ပျားကောင်များကို မောင်းထုပ်မည်။ ပြီး ပျားကောင်များ စင်မစင်ကြည့်၍
မစင်လျှင် ပါလာသော ပုဆိုးဟောင်းကိုခြုံ၍ ပျားအုံကို ဖွတ်ယူမည်။ ဤကား
ပျားမုဆိုးတို့၏ လုပ်ငန်းခွင်
ပုံကြမ်းမျှဖြစ်သည်။ ဒီလောက်ပဲလား ။ မဟုတ်သေးပါ ။ ပျားအုံ
အရင့်အနုခွဲခြားကြည့်တက်ရန်လည်းလိုသေး၏။သို့မှသာ ပျားရည်များများစားစား
ထုပ်ယူနိုင်မည်ဖြစ်သည်။
ပျားနုလွန်းပြန်ရင်လည်း ပျားဥနည်းတက်သလို ရင့်လွန်းပြန်ရင်လည်း
အကောင်ဖြစ်သွား၍ ပျားဥနည်းတက်ပြန်၏။ ပျားဥနည်းက ပျားရည် များများစားစား
မရနိုင်ပေ။
တစ်ခါ တောအထာနှင့်ရာသီအလိုက် ပျားတို့ ကြိုက်နှစ်သက်တက်သော သစ်ပင်ပန်းမန်အမျိုးအစားကိုလည်း သိထားဖို့ လိုအပ်သေး၏။
ပျားမျိုးစိတ်နှင့်အုံကျင်းဖွဲ့တက်သည့် ဓလေ့သဘာဝကိုလည်း လေ့လာရသေး၏။
သို့မှသာ ကိုယ်လိုချင်သော ပျားအမျိုးအစားကို အလွယ်တကူ ရှာရနိုင်မည်ဖြစ်သည်။
ပေါက်စသည် ဤပညာရပ်တို့ကို ရွာမြောက်ဝိုင်း ကာလသားခေါင်း ကိုလှဆောင် ထံမှ တစ်နှစ်ကျော်ခန့်လေ့လာသင်ယူခဲ့ရလေ၏။
ခုတော့ ထိုပညာရပ်တို့သည် ပေါက်စကို ကောင်းစွားအကျိုးပြုနေချေပြီ။
------------------------------------------------------------------------------------------
တောင်ခင်တန်း၌ ဆီးတောအလွန်ပေါ၏။ ဆီးပွင့်
သရက်ပွင့်တို့ကို မယင်းပျားတို့ အတော်ခံတွင်းတွေ့လှသည်။ ထိုဆီးတော
သရက်တောများ၌မယင်းပျားများကို များသောအားဖြင့် တွေ့ရလေ့ရှိ၏။ ခုလို
ဆောင်းဦးပေါက် အချိန်လောက်ဆို ဆီးတန်းတို့၌ မယင်းပျားအုံတို့သည်
ကောင်းစွားအုံဖွဲ့လေ့ရှိကြသည်။အရည်ကလည်းလဲ့မှလဲ့ပင်။ ဟိုတစ်နေ့က
သူကြီးကတော် ဒေါ်လေးရုံက "မယင်းပျား တစ်ပုလငး ရချင်သည်"ဟု ပေါက်စကို
မှာလိုက်လေ၏။ အမြန်ဆုံး ရှာပေးရနလည်းပြောလိုက်သေးသည်။
ဒီတော့ ပေါကစ မနေသာချေပြီ ။ တောင်ခင်တန်း ဆီးတောသို့ သူတက်ရလေတော့၏...။
--------------------------------------------------------------------------------------------
ဤပျားမုဆိုးအလုပ်ကို ပေါက်စစတင်လုပ်ကိုင်မည် ဟု
တွေးပြီး ကိုကြီးဆောင် အထံသို့ သွားရောက်အကူညီတောင်းစဉ်က
ကိုကြီးဆောင်ပြောဘူးသည်။
ပေါက်စထံမှ ကတိလည်းတောင်းခံခဲ့သေး၏။
" ကိုကြီးဆောင် ကျနော် ပျားမုဆိုး လုပ်မလို့ဗျာ
အဲဒါ တက်ကောင်းတက်အပ်ရာလေးတွေ ခင်များစီက သင်ချင်လို့ ။
ဒီရွာမှာလဲ ဒီအလုပ်ကို ဇောက်ချလုပ်ဘူးတာဆိုလို့ အစ်ကိုပဲ ရှိမဟုတ်လား ။
ကျနော်ကို ကူညီဗျာနော် ကိုကြီးဆောင် "။
" ဟ ပေါက်စရ မင်းဘာစိတ်ကူးပေါက်သွားတာလည်း ။
ပျားဖွတ်တယ်ဆိုတာ လွယ်တယ်များ ထင်သလားကွ ။
အလွန်အင်မတန် အကုသိုလ် ကြီးတဲ့ အလုပ် မင်း ဘာမှတ်နေလဲ ။
ငါတောင် ဒီအလုပ်ကို စွန့်လွှတ်ခဲ့တာသာ မင်းကြည့် ။
'' ပျားဖွတ်၊၀တ်ထိုး၊မယားခိုး" တဲ့ မင်းကြားဘူးလား
သိပ်အကုသိုလ် ကြီးမာတဲ့ အလုပ်တွေပေါ့ကွ။
မင်း မလုပ်ချင်စမ်းပါနဲ့ ကလေးရာ "။
" အိုဗျာ ကိုကြီးဆောင်ကလည်း
ကျနော် အခြနေကို ခင်များ အသိသားပဲ။
ကျနော်မှာ အခြားလုပ်စရာ ဆိုလို့
ဒီရွာမှာ ဘာမှ မယ်မယ်ရရ မှ မရှိပဲ။
ပြီးတော့ ဖွားလေးကလည်း ကျန်းမာရေးမကောင်းဘူး။
ဖွားလေး ဆေးဖိုးဝါးခ၊ကျနော်တို့အိမ်စရိက် ဖာနိုင်တာဆိုလို့
ဒီအလုပ်ပဲကျနော်မြင်လို့ပါဗျာ။ မတက်နိုင်ဘူး အကိုသိုလ်
ဘယ်လောက်ကြီးကြီး ကျနော်တော့ လုပ်ရမှာပဲ ။
ဆုံးဖြတ်ချက်လည်း ချခဲ့ပြီးပြီ။ အဲဒါကြောင့်
ကိုကြီးဆောင်စီ လာတာပေါ့ ။ ကျနော်ကို ကူညီပါဗျာနော်"။
" တယ်ခက်ပါလား ကလေးရယ်။
အေးလေ မင်းမှာလဲ အခြားရွေးချယ်စရာ အလုပ်ကမရှိပြန်ဘူးဆိုတော့
ငါသင်ပေးလိုက်ပါမယ် ။ တစ်ခုတော့ မင်း ငါ့ကို ကတိပေးကွာ။
ဒီအလုပ်ကို မင်း 'ရေရှည် မလုပ်ပါဘူး' လို့ ။
ဘယ့်နှယ်လဲ။ ကတိပေးမလား "။
" ပေးတယ်ဗျာ"။
" ဟေ့ကောင်လေး လွယ်လွယ် မပြောနဲ့ကွ ။
ငါ အတည်မေးနေတာနော်"။
" ဟုတ်ကဲ့ပါ ကိုကြီးဆောင်ရာ ကျနော်
ဒီအလုပ်ကို ရေရှည်စွဲ မလုပ်ပါဘူးဗျာ
အတည်ပါ ။ ကျနော် ကတိပေးတယ်"။
" အေး ဟုတ်ပြီ ဒါဆို မနက်ဖန် မင်း ဟင်းရွက်ခူးပြန် ငါ့စီ ၀င်ခဲ့ကြားလား"။
" ဟုတ်ကဲ့ ကိုကြီးဆောင် ကျေးဇူတင်ပါတယ်ဗျာ"။
ဤသို့ဖြင့် ပျားမုဆိုး အတက်ပညာကို ကိုကြီးဆောင်အထံမှ ပေါက်စ သင်ယူခွင့်
ရှိခဲ့ခြင်းဖြစ်လေသည်။ ကိုကြီးဆောင်သည်လည်း ပေါက်စကို ညီရင်းအစ်ကိုပမာ
အမြဲမပျက် စောင့်ရှောက်သွင် ဆုံးမပေးလျှက်ရှိဆဲပင်။ ပေါက်စသည်လည်း
ကိုကြီးဆောင်စကားဆို တသွေမတိမ်းလိုက်နာလေ၏။ တစ်ခုပဲ ပျားမုဆိုး အလုပ်ကို
ခုထိ ပေါက်စ အစွန့်လွှတ်သေးခြင်းပင်ဖြစ်သည်။
-------------------------------------------------------------------------------------
နံနက် ဆွမ်းခံဝင်စဉ်ကတည်းက တောင်ခင်တန်းသို့
ပျားရှာတက်လာခဲ့သောပေါက်စ၊ ဆီးတောပင် နှံ့သလောက်ဖြစ်ချေပြီ။
မယင်းပျားမပြောနဲ့
မယင်းနဲ့တူတဲ့ ပစွတ်ပျားသေးသေးကိုပင် မတွေ့ရသေးချေ။ နေပင်
ထန်းတစ်ဖျားကျော်၍ လူတစ်ရပ်ခန့် အနောက်အရပ်သို့ တိန်းခဲ့လေပြီ။ ပေါက်စကား
ပျားအုံကိုရှာဖွေ
တွေ့ရှိခြင်းမရှိသေး။ လက်း၌တွေ့သမျှ လက်လှမ်းမှီရာ
ကဆစ်၊ထောက်ကျန့်၊ကျီးအာ၊ကြက်လျှာ၊ဆူးပုတ်၊ကြောင်လျှာ စသည့်
ဟင်းသီးဟင်းရွတ်တို့ကို ခူးလာခဲ့သည်မှာလည်း
သူ၏ပ လိုင်းတွင်း၌ပြည့်လုပြည့်ခင်ပင် ဖြစ်လေ၏။ လိုအပ်သော
မယင်းပျားကိုကား ပေါက်စ မတွေ့သေး။ ရလည်းမရသေးပေ။ ဒီအတိုင်းသာဆိုလျှင်
ဒေါ်လေးရုံကို အားနာစရာ
ဖြစ်ချေတော့မည်။ အထူးသဖြင့် မြလေးငုံ ။ သူမသည် ပေါက်စ ငယ်ကတည်းက တိတ်တခိုးတွယ်တာခဲ့သော သံယောဇဉ်ယာဉ်စွန်းတန်းလေးဖြစ်၏ ။
ပြီးတော့ သွားအတူ လာအတူ အစားအတူ ရှိခဲ့ဘူးသူ ။ သူနဲ့ဆုံတိုင်း ပေါက်စ
ရင်ခုံသံတို့ မြန်ဆန်လေ့ရှိ၏ ။ တစ်ခါ မြလေးငုံသည် ဒေါ်လေးရုံ ၏
တစ်ဦးတည်းသောသမီး ။
သူမ မိခင် လိုချင်သောမယင်းပျားကို ရအောင်မဖွတ်နိုင်ကောင်းလား ဟူ ၍
သူ့ကို စိကောက်ချေလျှင် အခက်သား ။ မြလေးငုံ စိတ်ကောက်လျှင် ပေါက်စ မနေတက်ပေ
။
ချော့ကလည်း မချော့တက် ။မြလေးငုံ မိခင် လိုချင်နေသော မယင်းပျားကို
မရမကရှာပေးချင်သော စိတ်များ ပေါက်စ၏ ရင်ထဲ၌ အစိုင်အခဲဖြစ်လျှက်ရှိသည်။
ထိုသို့ ရှာဖွေပေးခြင်းဖြင့် မြလေးငုံ ကျေနပ်နေလိမ့်မည်ဟုလည်း ပေါက်စ တွေးသည်လေ။ ခုထိတော့ မယင်းပျားကို မတွေ့သေးချေ။
--------------------------------------------------------------------------------------------------------
နေပင်အတော်မြင့်ခဲ့လေပြီ။ ပေါက်စသည်လည်း
မောပမ်း၍ ၀မ်း၌ဟာလာ၏။ ဒါနဲ့ နီးစပ်ရာ ဆီးပင်အရိပ်ကောင်းကောင်း
အပင်တစ်ပင်အောက်သို့ဝင်လျှက် ပေါက်စ
အနားယူလိုက်ပြီး ပလိုင်းအတွင်းမှ ရေဗူးနှင့်ထမင်းထုပ်ကို ထုပ်ယူလေ၏။
ထိုနောက် ပေါက်စ လက်ကိုအနည်းငယ် ရေဖြင့်ဆေးလျှက်ထမင်းထုပ်ကိုသူဖြည်၍
တ၀စားလေသည်။
ထမင်းစားပြီး ရေဗူးမှရေကို တစ်ငုံနှစ်ငုံခန့်သောက်၍ ပေါက်စ
တစ်ရေးတမောအိပ်ရန်ပြင်ဆင်လေ၏။ ပုခုံးပေါ်၌ အသင့်ပါလာသော
ဖျင်းကြမ်းပုဆိုးအဟောင်းကို ဆီးပင်ခြေသို့
ပေါက်စ ဖြန့်ခင်းလိုက်သည်။ပြီးနောက် ခါးကြားမှ ဓားမတိုကို မြေပေါ်သို့
စိုက်လိုက်၏ ။ တစ်ခါ နှီးဦးထုပ်ကို ချွတ်၍ ပတ်လပ်အနေထားလှဲချလိုက်ပြီး
ဦးထုပ်ကိုမျက်နှာပေါ်၌ အုပ်လိုက်သည်။ မျက်လုံးကိုမှေးလျှက် ပေါက်စ
အိပ်ပျော်ရန်အားထုပ်လေတော့၏ ။ ခပ်အုပ်အုပ် ဆီးပင်၏ အကိုင်းအခက်တို့သည်
ပေါက်စ အားလွှမ်းခြုံထားသကဲ့သို့ပါပင်ဖြစ်လေတော့သည် ။ ထိုအခိုက် ပေါက်စ၏
နားအကြားအာရုံအတွင်းသို့ အသံတစ်ခု ခပ်သဲ့သဲ့ တိုးရို့ဝင်ရောက်လာလေသည် ။
ပေါက်စသည် ရုတ်တရက်ထထိုင်လိုက်လေ၏။ သူ၏မျက်ဝန်းတို့သည်လည်း
ဆီးပင်ပေါ်သို့ တပြိုင်တည်းကြည့်မိလျှက်သားပင် ။ သေချာပါသည်
စောနကကြားလိုက်ရသည့်
အသံသည် "ပျားအူသံ"ပင်ဖြစ်၏။ ပေါက်စြ၏ အတွေ့အကြုံက စကားပြောချေပြီ
။ပေါက်စသိသည် ဒါ ပျားအူသံမှပျားအူသံ အစစ် ။ဒီလိုဆိုရင်ဖြင့် ဤဆီးပင်၌
ပျားအုံရှိနေပြီပေါ့။
ပေါက်စ ထိုင်လျှက်ရှာကြည့်သည် မတွေ့။ တစ်ခါ ထ၍ှဆီးပင်ပါတ်ပါတ်လည်
လျှောက်လျှက်လှည့်လည်ကြည့်၏ ။ ဟော တွေ့ပါလေပြီ ဆီးပင်၏ အရှေ့တောင်ဘတ်အခြမ်း
ကိုင်းမကြီး၏ ဂွဆုံတည့်တည့်နားက တက်မလေးမှာ အုံဖွဲ့နေသော မယင်းပျားအုံကြီး စကောလောက်ပင်ရှိမည်ဟု ထင်ပါသည်။ ပေါက်စ ၀မ်းသာသွား၏။
သူ၏ မျှော်လင့်ချက်ကား ပြည့်ချေပြီ ။ အားရကျေနပ်နေမည့် ဒေါ်လေးရုံ
မျက်နှာကိုလည်း ပေါက်စ တွေး၍ မြင်ယောင်မိလေ၏ ။ ပြီးတော့ မြလေးငုံ။
ကျေးဇူးတင်ရွှင်လဲ့နေသော
မျက်ဝန်းများဖြင့် ပေါက်စကို ကြည့်လေမည့် မြလေးငုံ၏ ပုံရိပ်ကိုလည်း
စိတ်ကူးဖြင့် ပေါက်စ ပုံဖော်နေမိ၏။ ထိုအတွေးတို့ဖြင့် ပျားအုံကို ဖွတ်ယူရန်
ပေါက်စ အားထုပ်လေတော့သည်။
အားပါးပါး အရည်လဲ့လိုက်သည့်ပျားအုံကြီးပါလား ။
ပျားလပို့နှင့်ပျားရည်တို့က မဆန့်ချင်။ပျားဖွတ်လာသည့် ကာလတစ်လျှောက်
ဤတစ်ကြိမ်သည် ပေါက်စအဖို့ ပျားဖွတ်ရန်အချိန်ကောင်းကိုမှီခြင်းဖြစ်လေသည်။
အခြားမည်သည့်အကြိမ်မှ ဤမျှကောင်းမွန်သော အချိန်ကို ပေါက်စ မကြုံခဲ့ဘူး။
ဒီအတိုင်းဆိုလျှင် ဒေါ်လေးရုံ အတွက်
ပျားရည်တစ်ပုလင်း ဒီတစ်အုံတည်းနှင့်ပင်ပြည့်နိုင်လေသည်။
ပေါက်စ အတွေးနဲ့တွင် ပျော်ရွှင်၍ နေပါလေပြီ ။
---------------------------------------------------------------------------------------------------
နေလုံးနီိနီသည် အနောက်တောင်စွန်းသို့ ငုတ်လျှိုးပုန်းကွယ်ဖို့ ကြိုးစားနေလေပြီ။
ပုဇွန်ဆီရောင်နုနုဆည်းဆာက ညောင်ပင်လှရွာလေး၏ မျက်နှာစာကို
လွှမ်းခြုံဖြန်းပတ်လျှက် ။ ရွာအ၀င် အရှေ့အနောက် ၀င်းတံခါး နှစ်ဖက်စီမှ
စားကျက်ပြန်
ဆိတ်၊သိုး၊နွားတို့သည် အုပ်စုဖွဲ့ကာ ရွားအတွင်းသို့
ချဉ်းနှင်းဝင်ရောက်လာခဲ့ကြသည်။ ပေါက်စသည်လည်း
မျှော်လင့်ချက်ပြည့်ဝမှု၊ကြည်နူးနှစ်သိမ့်မှု၊အားရကျေနပ်မှု
တစ်ထွေးကြီးကို ရင်ဝယ်ပိုက်လျှက် ရွာဘတ်စီသို့ ခပ်စိုက်စိုက်
လျှောက်နေချေပြီ ။ သူ၏အတွေးမြင်ကွင်းအာရုံခံစားမှုတို့၌ ၀င်းလတ်၍
အရည်တလဲ့လဲ့စိုနေသော
ပျားလပို့ကြီးနှင့်အတူ သူလိုချင်သော မယင်းပျားကို မရမက ရှာဖွေပေးလာသော
သူ့ကိုကြည့်၍ အားရ၀မ်းသာဖြစ်နေမည့် ဒေါ်လေးရုံ၏ ရွှင်ပြုံးနေသော
မျာက်နှာတို့ကို
မြင်ယောင်နေချေ၏ ။ ပြီးတော့ မြလေးငုံ ။ အမြဲတစေ သနပ်ခါးရေကျဲလေး
ခပ်ပါးပါးလိမ်းကျံထားလေ့ရှိသော မြလေးငုံ ။ ညောင်ပင်လှရွာ၏
ကွန်းတောင်ကိုင်မလေး
မြလေးငုံ ။ တစ်ခါ ဤရွာ၌ သြဇာတိက္ကမ ကြီးမားလွန်းသော
သူကြီးဦးဖိုမှန်နှင့်ဒေါ်ငွေရုံတို့၏ ရွှေလိုဥ၍
ပိုးနှယ်ပြုစုစောင့်ရှောက်ခဲ့ရသော တစ်ဦးတည်းသောသမီးလေး
မြလေးငုံ။ ဒေါ်လေးရုံစီ ပျားရည်သွားပို့ရင်း " သူ၏ရင်တွင်းမှ
နှစ်ရှည်လများ သိမ်းဆည်းထားရသော သံယောဇဉ်တရားတို့ကို စကားအဖြစ်
ဖွင့်ဟ၀န်ခံ၍
သူမသိအောင် ပြောကြားလေတော့မည်"ဟု ဘာသာတွေးလျှက် သဲ့သဲ့လေး ရင်ခုန်ကြည်နူးကာ ရွာအတွင်းသို့ ပေါက်စ ၀င်ရောက်ခြေချမိလေတော့သည်။
သူ၏နောက်တွင်ကား ရွာဦးကျောင်းမှ
ညနေခင်းဘုရားဝတ်တက်သံတို့သည် တိုးတိုးငြိမ့်ငြိမ့် လွင့်ပျံ၍
ကျန်ရစ်ခဲ့လေတော့၏ ။
-------------------------------------------------------------------------------------------------------
တစ်ချိန်က ကိုကြီးဆောင် ပြောသော စကားများကိုကား ပေါက်စ တစ်ယောက် မေ့လျော့နေခဲ့သည်လား-? ။
သို့မဟုတ် မတွေးပဲထားခဲ့လေသည်လား - ? ။ ပြီးတော့ "သူ၏ကတိစကား" ။ပေါက်စ မည်သည့် အချိန်ထိ ဆွဲထားဦးမည်နည်း ။ဤသည်ကိုကား ပေါက်စမှတပါး
အခြား မည်သူမှ မသိရှိနိုင်ပေပြီ..........။ ပေါက်စ ဘယ်လို
စိတ်ကူးများဖြင့် ဘ၀ကိုရှေ့ဆက်မည်နည်း...ဟူ၍သာ
ဇောကပ်တွေးပူရင်း...............။
ပြီးပါပြီ ။
မြေလတ်-မိုးစွေ ။
လင်းထက်နောင်(နတ်မောက်)။
No comments:
Post a Comment