လွဲချော်မှုတွေတစ်လှေကြီးထဲမှအားအင်ချိနဲ့စွာထွက်ပြူလာသည့်အလင်းရောင်"မျှော်လင့်ခြင်း"လို့တောင်ကင်ပွန်းတက်ပေးခဲ့မိတယ်။
ကြိုးစားတိုင်းမဖြစ်တက်တဲ့လောက မသိချင်ယောင်ဆောင်တက်လွန်းသည့်အောင်မြင်မှုက တစ်ခါတရံမှခေါင်းထောင်ပြီးလှမ်းကြည့်တက်တယ်လေ။
ဘ၀ရဲ့ပျိုမျစ်ခြင်းတွေက တစ်စတစ်စလုံးပါးပါးရင်း
နှစ်ပရိစ္ဆေဒနှင့်စစ်ခင်းနေပြီ။
ခုထိခြေချစရာမြေနေရာဆိုလို့မက်မက်စက်စက်မရှိသေးတာကိုပဲကိုယ့်ကုိယ်ကိုအမြင်ကပ်လာမိတယ်။
နေရာတစ်ခုရဖို့ မက်လောက်စရာအင်အားမျိုးကို ကျနော်ဘယ်တုန်းကမှချပြီးမကြွေးဘူးသေးသလို ကိုယ်တိုင်လည်းစားသုံးခဲ့ဘူးခြင်းမရှိသေးဘူးလေ။
ဟန်ဆောင်ခြင်းတွေကိုကန့်လန့်ကာအဖြစ်သုံးပြီး
လူတစ်လုံးသူတစ်လုံးဖြစ်ဖို့ရုန်းကန်နေတဲ့အသိုက်ထဲမှာ ကျနော်ရော
ဘယ်လောက်ရိုးသားနိုင်မှာမို့လည်း။
ဝန်ခံပါတယ်"ကျနော့်မှာလည်းမာယာတွေနဲ့"။
ဒါပေမယ့်.....သူတစ်ပါးစည်းစိမ်ပျက်,ဘ၀ပျက်လောက်အောင်ထိကျနော်လူမှန်းသိတက်စကတည်းကယနေ့အထိမလှည့်ပါတ်ခဲ့ဖူးသေးဘူး။
အင်း...ဟန်ဆောင်ခြင်းတွေနည်းနေသေးလို့ထင်ပါရဲ့။ဘ၀ရဲ့ဖြစ်မြောက်သောအောင်မြင်မှုတိုနဲ့လည်း ကျနော်ဝေးနေဆဲပဲလေ။
မပျော်ရွှင်တဲ့ဒေသမှာ
ပျော်အောင်နေတက်ဖို့,သံယောဇဉ်ကြိုးစကိုထိုးမွှသိမ်းဆည်းဖို့,ဟန်ဆောင်ခြင်းအလေ့ကိုကျနော်သိပ်သည်းစွာမသုံးစွဲနိုင်သေးသမျှ
ပေစ္စက္ခဘ၀၏အောင်မြင်ရာတို့နှင့်ကျနော်၊ကျနော်နှင့်ပေစ္စက္ခဘ၀အောင်မြင်ရာ"ဝေးကွာနေဦးမည်"ဟု ထင်ပါသည်။
နေ၀င်ချိန်နှင့်နေထွက်ချိန်ပုံမှန်အရှိန်နဲ့လည်ပါတ်နေတဲ့လောကထဲ
ပကတိမိုးသားမဲညို့ညို့ကိုလေဖြင့်အလွယ်တကူဖယ်ရှားရှင်းလင်းသွားစေနိုင်သော်ငြား
ပေစ္စက္ခဘ၀ထဲက နှလုံးသား၏ခံစားတက်ခြင်းမြူတိမ်ကိုတော့ လွင့်ပျယ်
ပျယ်လျော့ပျောက်ကွယ်သွားအောင်သာမန်ပုဂ္ဂိုလ်တို့အနေဖြင့်အလွယ်တကူဘယ်စွမ်းဆောင်နိုင်ပါ့မလည်း။
ကျနော်....."သမုဒယအသိုက်ထဲကလူ"ပါ။ထို့ကြောင့်
သံယောဇဉ်ကြိုးကိုငင်မိပါသည်။ဘ၀ပင်လယ်ဆိုးမှာတက်ကျိုးနဲ့လည်းလှော်မိပါသည်။တိတ်တခိုးအချစ်,တူနှစ်ကိုယ်အချစ်,
တစ်ဖက်သက်ချစ်
အသစ်အသစ်သောအမည်နာမတို့နှင့်ချစ်ခြင်းတရားသမုဒယနွံကြားမှာလည်းပျော်မိပါသည်။
ပြန်လာထားချန်၊ချန်ခဲ့ကျန်လွမ်း သံယောဇဉ်ယာဉ်စွန်းတန်းနဲ့
အဖော်မဲ့ဘ၀အမောတွေထဲ
နွေလယ်ကဥသြလိုလည်းကျနော်လွမ်းမောမိပါသည်။ခံစားမှုတွေတသီကြီးနဲ့ဘ၀၊လိုအပ်ချက်တွေတစ်ထွေးကြီးနဲ့ခရီးအလယ်မျက်စိသငယ်နားသငယ်နှင့်ပါပဲ
ယနေ့ထိ ကျနော် လှုပ်ရှားရင်းရုန်းကန်နေဆဲပင်ဖြစ်ပါသည်။
နယူတန်သည်သိက်သည်းခြင်းသဘောတရားသီအိုရီကိုအခြေပြု၍
ပန်းသီးကြွေတစ်လုံးကိုအရင်းပြုပြီး
ကမ္ဘာမြေ၏စွဲငင်အားကိုဖော်ထုပ်ပြသသွားခဲ့လေသည်။
သို့ဂလို....အခြားမည်သူကများ"သမုဒယ"၏စွဲငင်အားကိုဖော်ထုပ်ပြသပေးနိုင်ဦးမည်နည်း....?
။ဤသို့တွေးတောရင်းမြတ်ဗုဒ္ဓ၏"သမုဒယသစ္စာ"တရားကိုဆင်ခြင်သုံးသက်ကြည့်
မိလေသောအခါ..........
လိုချင်ရာမှန်သမျှ"လောဘ"ကြောင့်ဖြစ်လာရသည့်"သမုဒယ"၊လူ့ဘ၀အတွယ်အတာကြားမှာနစ်မြုတ်နေသောကျနော့်ကိုယ်
ကျနော်ပြန်တွေ့လိုက်ရတယ်လေ။
ကျနော်တစ်ဦးတည်းပဲလား...?။
အို....အများချည်းပါပဲ။ကျနော်နဲ့ခရီသွားဧည့်သည်အားလုံး
လိုချင်ရာမှန်သမျှကိုမမုန်းနိုင်သေးသမျှ
"သမုဒယသစ္စာ"အမှန်ကိုမြင်နိုင်ကြဦးမည်မဟုတ်
သေးပါ။ သို့ဂလို.....ဤသို့ဤနှယ်ဆင်ခြင်တွေးတောရင်း
ဘ၀၏ပြည့်စုံခြင်းတွေနောက်ကိုပဲ
ကျနော်လိုက်မြဲလိုက်၍နေမိလေတော့သည်........။
။
ချစ်လွမ်းဝေ(ရွှေမျှောင်)
No comments:
Post a Comment